ຮັບຟັງການໂອ້ລົມຂອງ ທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງສຶກສາທິການ ແລະ ກິລາ.


 


ໃນຕອນເຊົ້າຂອງວັນທີ 30/ມິນາ 2019 ທີ່ສະໂມສອນຂອງວິທະຍາໄລຄູຫຼວງນໍ້າທາ ໄດ້ຈັດພິທີ ຮັບຟັງການໂອ້ລົມຂອງ ທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງສຶກສາທິການ ແລະ ກິລາ ເນື່ອງໃນໂອກາດທີ່ ທ່ານໄດ້ເຂົ້າຮ່ວມເປັນປະທານ ປະກາດຈົບຊັ້ນມັດທະຍົມສຶກສາຕອນຕົ້ນບຳລຸງທົ່ວແຂວງຫຼວງນໍ້າທາ. ໃນພິທີຮັບຟັງການໂອ້ລົມໃນຄັ້ງນີ້ ກໍມີ ທ່ານ ບຸນຍີ່ ແກ້ວຄຸນເມືອງ ຮອງເຈົ້າແຂວງ ຜູ້ຊີ້ນຳຂົງເຂດການສຶກສາ, ມີທ່ານ ບຸນຈັນ ຫຼວງລືໄຊ ຫົວໜ້າພະແນກສຶກສາທິການ ແລະ ກິລາແຂວງ, ມີ ທ່ານ ຄຳສຸກ ທອງກ່ານ ຜູ້ອຳນວຍການວິທະຍາໄລຄູຫຼວງນໍ້າທາ ພ້ອມດ້ວຍຄະນະຕະຫຼອດຮອດພະນັກງານຄູ-ອາຈານ ແລະ ນັກສຶກສາເຂົ້າຮ່ວມຢ່າງພ້ອມພຽງ.

ໃນຕອນຕົ້ນຂອງພິທີ ທ່ານ ປທ ຄຳສຸກ ທອງກ່ານ ຜູ້ອຳນວຍການວິທະຍາໄລຄູຫຼວງນໍ້າທາ ກໍໄດ້ຂຶ້ນລາຍງານສະພາບລວມໂດຍຫຍໍ້ດ້ານຂໍ້ສະດວກ,  ຂໍ້ຫຍຸ້ງຍາກຂອງວິທະຍາໄລຄູແລະ ຂໍ້ສະເໜີ.

ໃນພິທີດັ່ງກ່າວ ຍັງໄດ້ຮັບຟັງການໂອ້ລົມ ຈາກທ່ານ ບຸນຍີ່ ແກ້ວຄຸນເມືອງ ຮອງເຈົ້າແຂວງກ່ອນອື່ນກໍໄດ້ສະແດງຄວາມຊົມເຊີຍຕໍ່ຜົນງານທີ່ຍາດມາໄດ້ໃນໄລຍະຜ່ານມາ ແລະ ເນັ້ນໜັກບາງດ້ານດັ່ງນີ້:

ຈາກນັ້ນ, ກໍໄດ້ຮັບຟັງການໂອ້ລົມຈາກ ທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງສຶກສາທິການ ແລະ ກິລາ ກ່ອນອື່ນ ທ່ານໄດ້ສະແດງຄວາມຊົມເຊີຍ ແລະ ຂອບໃຈຕໍ່ການນຳແຂວງທີ່ໄດ້ລົງໃກ້ຊິດຕິດແທດ ແລະ ໃຫ້ການຊີ້ນຳຕໍ່ວິທະຍາໄລຄູ ແລະ ຊົມເຊີຍຕໍ່ຜົນງານທີ່ທາງໂຮງຮຽນສາມາດຍາດໄດ້. ຈາກນັ້ນ, ທ່ານກໍໄດ້ໃຫ້ຄຳເຫັນ ແລະ ທິດຊີ້ນຳຫຼາຍດ້ານຄື:

ພ້ອມນີ້, ທ່ານກໍຍັງໄດ້ຕອບຄຳສະເໜີຂອງໂຮງຮຽນ ໂດຍສະເພາະແມ່ນການຍົກລະດັບຂອງຄູທີ່ສອນສາຍພາສາລາວພາຍໃນປະເທດທີ່ໃຊ້ງົບປະມານຫຼາຍ ແລະ ຮຽກຮ້ອງໃຫ້ນັກສຶກສາຄູທີ່ໄປລົງສອນໃນທ້ອງຖີ່ນຫຼັງຈາກຮຽນຈົບແມ່ນໃຫ້ຍືດຖືດ້ານການເມືອງແນວຄິດ ແລະ ໃຫ້ຄວາມຮູ້ດ້ານຕ່າງໆແກ່ພໍ່ແມ່ປະຊາຊົນໃຫ້ຈະແຈ້ງ.
ໃນຕອນທ້າຍຂອງພິທີ ທ່ານ ປທ ຄຳສຸກ ທອງກ່ານ ຜູ້ອຳນວຍການວິທະຍາໄລຄູຫຼວງນໍ້າທາ ກໍໄດ້ຂຶ້ນຮັບຄຳໂອວາດຂອງ ທ່ານ ນາງ ແສງເດືອນ ຫຼ້າຈັນທະບູນ ແລະ ໃຫ້ຄຳໝັ້ນສັນຍາດັ່ງນີ້:

  1. ຈະສືບຕໍ່ສຶກສາອົບຮົມດ້ານການເມືອງແນວຄິດ
  2. ຈະເພີ່ມທະວີຄວາມສາມັກຄີທັງພາຍໃນ ແລະ ພາຍນອກ
  3. ຈະເຮັດວຽກຢ່າງມີແບບແຜນ ແລະ ຍືດຖືໃນຫຼັກການລວມສູນປະຊາທິປະໄຕ.

ພິທີໄດ້ສີ້ນສຸດໃນເວລາ 9:30 ນາທີ ຂອງວັນດຽວກັນ.

 

 

 

 

 

 

 

ຜູ້ສື່ຂ່າວ

ທອງດີ ບູ້ກໍອີ່ລົງ ຜູ້ສື່ຂ່າວ ວິທະຍາໄລຄູຫຼວງນໍ້າທາ ລາຍງານ

Download Photo


ເວັບໄຊ້ຕ່າງໆ



ສະຖາບັນການຮ່ວມມືຕ່າງປະເທດ