ພິທີຮັບມະຫາຊົນເຂົ້າເປັນສຳມາຊິກພັກສຳຮອງໜ່ວຍພັກຈັດຕັ້ງ - ພະນັກງານ, ໜ່ວຍພັກອະນຸບານ - ປະຖົມ ແລະ ໜ່ວຍພັກອະນຸບານ - ປະຖົມສາທິດ

ໃນຕອນເຊົ້າຂອງວັນທີ 21 ກໍລະກົດ 2020 ທີ່ຫ້ອງປະຊຸມຂອງວິທະຍາໄລຄູຫຼວງນ້ຳທາໄດ້ເປີດພິທີຮັບມະຫາຊົນເຂົ້າເປັນສຳມາຊິກພັກສຳຮອງ ໜ່ວຍພັກຈັດຕັ້ງ - ພະນັກງານ, ໜ່ວຍພັກອະນຸບານ - ປະຖົມ ແລະ ໜ່ວຍ ພັກອະນຸບານ - ປະຖົມສາທິດທີ່ຂຶ້ນກັບຄະນະພັກຮາກຖານວິທະຍາໄລຄູຫຼວງນ້ຳທາ. ໂດຍການໃຫ້ກຽດເຂົ້າຮ່ວມເປັນປະທານ ຂອງສະຫາຍ ນາງ ນວນຈັນທິບພະວົງ ຄະນະພັກຮາກຖານ ຮອງຜູ້ອຳນວຍການວິທະຍາໄລຄູຫຼວງນ້ຳທາ; ມີຄະນະພັກຮາກຖານ, ເລຂາໜ່ວຍພັກ, ຮອງເລຂາໜ່ວຍພັກ, ສະມາຊິກພັກສົມບູນຂອງໜ່ວຍພັກທີ່ກ້ຽວຂ້ອງຂອງວິທະຍາໄລຄູຫຼວງນໍ້າທາ ເຂົ້າຮ່ວມທັງໝົດ 43 ສະຫາຍ, ຍິງ 29 ສະຫາຍ. ໃນພິທີໄດ້ຮັບຟັງການຜ່ານຂໍ້ຕົກລົງຂອງທ່ານເຈົ້າແຂວງໃນການຮັບມະຫາຊົນກ້າວໜ້າເຂົ້າເປັນສຳຮອງ 4 ສະຫາຍ ຍິງ 1 ສະຫາຍໂດຍສະຫາຍ ວຽງມະນີ ລາວຈູ. ໃນຕອນທ້າຍຂອງພິທີສະຫາຍ ນາງ ນວນຈັນ ທິບພະວົງ ຄະນະພັກຮາກຖານໄດ້ໂອ້ລົມຕໍ່ສະມາຊິກພັກເກົ່າ ແລະ ໃໝ່ ເຊິ່ງທ່ານໄດ້ເນັ້ນໜັກບາງບັນຫາດັ່ງນີ້: - ມີຄວາມໜັກແໜ້ນທາງດ້ານແນວຄິດການເມືອງ, ມີຄຸນສົມບັດສິນທຳປະຕິວັດ ແລະ ມີຄວາມສາມາັກຄີທັງພາຍໃນ ແລະ ພາຍນອກ. - ສະມາຊິກພັກຕ້ອງເຝິກຝົນຫຼໍຫຼອມຕົນເອງໃຫ້ມີຄວາມຮູ້ຄວາມສາມາດເປັນແບບຢ່າງແກ່ມະຫາຊົນຜູ້ກ້າວໜ້າ ແລະ ມີຄວາມໜັກແໜ້ນທາງດ້ານວິຊາການ - ການຂະຫຍາຍສະມາຊິກພັກ, ມະຫາຊົນຜູ້ກ້າວໜ້າຕ້ອງປະຕິບັດຕາມລະບຽບຂອງພັກ, ຕາມຂັ້ນຕອນຂອງການຂະຫຍາຍສະມາຊິກພັກ. - ເພີ່ມທະວີວຽກງານວິຊາ ການໃຫ້ເຮັດຄູສອນກາຍເປັນຄູສອນດີ ແລະ ສອນເກັ່ງຕາມຕາມຫຼ້າຫຼັກມູນການສຶກສາ. ພິທີໄດ້ສິ້ນສຸດລົງໃນເວລາ 10: 30 ນາທີ ດ້ວຍຜົນສຳເລັດອັນຈົບງາມ.

ຜູ້ສື່ຂ່າວວິທະຍາໄລຄູຫຼວງນໍ້າທາ ລາຍງານ
ພູລິໄຊ ດວງມິກສະວົງ