ສ້າງຂະບວນການຄຽງຄູ່ກັບກິດຈະກຳຜ່ອນຄາຍຄວາມອິດເມື່ອຍພ້ອມທັງສ້າງຄວາມເຂັ້ມແຂງພາຍໃນໃຫ້ໜັກແໜ້ນ “
ໃນຕອນບ່າຍ ວັນທີ 2 ຕຸລາ 2024 ທີ່ເດີ່ນກິລາວິທະຍາໄລຄູຫຼວງນໍ້າທາ ໄດ້ມີການສ້າງຂະບວນການຈັດກິດຈະກຳແຂ່ງຂັນກິລາບານເຕະນັດກະຊັບມິດ ໂດຍພາຍໃຕ້ການນໍາພາຂອງ ທ່ານ ອຈ ປທ ສຸກັນໄຊ ພົງສະຫວັນ ຮອງຜູ້ອໍານວຍການວິທະຍາໄລຄູຫຼວງນໍ້າທາ, ໃນຂະບວນການມີ ຄະນະນໍາພະແນກ, ຄະນະນໍາພາກວິຊາ, ຄູ-ອາຈານ ພ້ອມດ້ວຍນັກສຶກສາເຂົ້າຮ່ວມຢ່າງພ້ອມພຽງ.
ກິດຈະກໍາຈັດຂື້ນໃນຄັ້ງນີ້ເພື່ອຂໍານັບຮັບຕ້ອນ ແລະ ສະເຫຼີມສະຫຼອງວັນຄູແຫ່ງຊາດຄົບຮອບ30ປີ (1994-2024) ໃຫ້ມີຄວາມຟົດຟື້ນມ່ວນຊື່ນ
ການແຂ່ງຂັນກິລາບານເຕະ ດໍາເນີນໄປດ້ວຍບັນຍາກາດຟົດຟື້ນ, ມ່ວນຊື່ນ; ທີມຄູ-ອາຈານ ທັງ 2 ທີມໄດ້ມີນໍ້າໃຈນັກກິລາ ພ້ອມທັງໄດ້ຮັບກໍາລັງໃຈຈາກຂ້າງສະໜາມ ເຮັດໃຫ້ບັນຍາກາດການແຂ່ງຂັນເຕັມໄປດ້ວຍຮອຍຍີ້ມ, ໄມຕຣີຈິດມິດຕະພາບອັນອົບອຸ່ນ.
ການແຂ່ງຂັນດໍາເນີໄປເປັນເວລາ 1 ຊົ່ວໂມງ ແລະ ສໍາເລັດລົງດ້ວຍບັນຍາດອັນອົບອຸ່ນທີ່ວິທະຍາໄລຄູຫຼວງນໍ້າທາ
ນັກຂ່າວວິທະຍາໄລຄູຫຼວງນໍ້າທາ