Author name: ຄິດ ບຸນສະແຫວງ

#ສະຫະພັນແມ່ຍິງຮາກຖານວິທະຍາໄລຄູຫຼວງນໍ້າທາ ຈັດພິທີສະຫຼຸບຮັບຮອງການຈັດຕັ້ງປະຕິບັດຂໍ້ແຂ່ງຂັນ 3 ດີ ຮອບທີ III ປະຈຳປີ 2023 ແລະ ທິດທາງແຜນການປີ 2024 ໃນເວລາ 9:00 ນາທີ ຂອງວັນທີ 9 ກຸມພາ 2024 ຢູ່ທີ່ຫ້ອງປະຊຸມວິທະຍາໄລຄູຫຼວງນໍ້າທາໄດ້ຈັດພິທີສະຫຼຸບຮັບຮອງການຈັດຕັ້ງປະຕິບັດຂໍ້ແຂ່ງຂັນ 3 ດີຮອບທີ III ປະຈຳປີ 2023 ແລະ ທິດທາງແຜນການປີ 2024 ຂອງສະຫະພັນແມ່ຍິງຮາກຖານວິທະຍາໄລຫຼວງນໍ້າທາ ຂຶ້ນຢ່າງເປັນທາງການ ພາຍໃຕ້ການເປັນປະທານຂອງ ທ່ານ ນາງ ປິ່ນຄໍາ ໄຊຍະວົງ ປະທານສະຫະພັນແມ່ຍິງຮາກຖານວິທະຍາໄລຄູຫຼວງນ້ຳທາ, ເປັນກຽດເຂົ້າຮ່ວມມີ: ທ່ານ ນາງ ອໍາພັນ ສໍແສງອິ່ນ ຮອງເລຂາໜ່ວຍພັກ ຮອງປະທານສະຫະພັນແມ່ຍິງແຂວງ, ທ່ານ ນາງ ນວນຈັນ ທິບພະວົງ ເລຂາຄະນະພັກຮາກຖານ ຜູ້ອໍານວຍການວິທະຍາໄລຄູຫຼວງນໍ້າທາ, ໃນພິທີ ມີຄະນະຊາວໜຸ່ມຮາກຖານ, ປະທານສະຫະພັນກໍາມະບານຮາກຖານວິທະຍາໄລຄູຫຼວງນ້ຳທາ ແລະ ຄະນະສະຫະພັນແມ່ຍິງວິທະຍາໄລຄູ ຕະຫຼອດຮອດສະມາຊິກສະຫະພັນແມ່ຍິງວິທະຍາໄລຄູເຂົ້າຮ່ວມທັງໝົດ 65 ທ່ານ, ຍິງ 63 ທ່ານ.  ຈຸດປະສົງ.ການຈັດພິທີ ເພື່ອຜ່ານຮ່າງບົດຫຼຸບວຽກງານຂໍ້ແຂ່ງຂັນ 3 ດີຮອບທີ 3 ປະຈຳປີ 2023 ແລະ ວາງທິດທາງແຜນການປີ 2024 ໃນພິທີຄະນະຈັດຕັ້ງໄດ້ຜ່ານຂໍ້ຕົກລົງອະນຸມັດເປີດກອງປະຊຸມຮັບຮອງປະເມີນຂໍ້ແຂ່ງຂັນ 3 ດີ ປີ 2023 ຈາກນັ້ນ ສະຫາຍ ນາງ ສຸມາລາ ເດດລໍວົງ ໄດ້ຂຶ້ນຜ່ານຮ່າງບົດສະຫຼຸບການຈັດຕັ້ງປະຕິບັດຂໍ້ແຂງຂັນ 3 ດີ ປະຈໍາປີ 2023 ແລະ ວາງທິດທາງແຜນການປີ 2024 ພ້ອມທັງສະເໜີຜູ້ເຂົ້າຮ່ວມປະກອບຄໍາຄິດເຫັນໃສ່ບົດສະຫຼຸບ ແລະ ແຜນການ. ຄະນະຈັດຕັ້ງພິທິ ໄດ້ຜ່ານຂໍ້ຕົກລົງວ່າດ້ວຍການມອບໃບຢັ້ງຢືນຮາກຖານ 3 ດີ ແລະ ໃຫ້ກຽດຮັບໃບຢັ້ງຢືນໂດຍສະຫາຍ ນາງ ປິ່ນຄໍາ ໄຊຍະວົງ ແລະ ໃຫ້ກຽດມອບໂດຍທ່ານ ນາງ ອໍາພັນ ສໍແສງອິ່ນ, ເອື້ອຍນ້ອງແມ່ຍິງໄດ້ຂຶ້ນຈັບມືແຂງຂັນ 3 ດີ ແລະ ກ່າວຄໍາປະຕິຍານ.ກອງປະຊຸມໄດ້ຮັບຟັງການໂອ້ລົມຂອງທ່ານ ທ່ານ ນາງ ອໍາພັນ ສໍແສງອິ່ນ ຮອງປະທານສະຫະພັນແມ່ຍິງແຂວງ ເພີ່ນໄດ້ສະແດງຄວາມຍ້ອງຍໍຊົມເຊີຍຕໍ່ກັບຜົນການເຄື່ອນໄຫວ ປະຕິບັດໜ້າທີ່ວຽກງານ ແລະ ຜົນງານທີ່ຍາດມາໄດ້ໃນໄລຍະ 1 ປີທີ່ຜ່ານມາ ແລະ ໄດ້ເນັ້ນໜັກຫຼາຍບັນຫາທີ່ສຳຄັນຕໍ່ສະມາຊິກສະຫະພັນແມ່ຍິງຮາກຖານວິທະຍາໄລຄູຫຼວງນ້ຳທາ. ຈາກນັ້ນສະຫາຍ ປິ່ນຄໍາ ໄຊຍະວົງ ປະທານສະຫະພັນແມ່ຍິງຮາກຖານໄດ້ຂຶ້ນຮັບຄໍາໂອວາດ. ກອງປະຊຸມໄດ້ດຳເນີນໄປເປັນເວລາ 2 ຊົ່ວໂມງ 15 ນາທີ ແລະ ໄດ້ສິ້ນສຸດລົງໃນເວລາ 11 ໂມງ 30 ນາທີຂອງວັນດຽວກັນ ທີ່ຫ້ອງປະຊຸມວິທະຍາໄລຄູຫຼວງນໍ້າທາ. ນັກຂ່າວວິທະຍາໄລຄູຫຼວງນໍ້າທາ ສົມແພງ ດວງປະເສີດ

ໃນຕອນບ່າຍຂອງວັນທີ 23 ພະຈິກ 2023 ຢູ່ທີ່ພາກວິຊາສ້າງຄູສຶກສາກ່ອນໄວຮຽນ ໄດ້ຈັດກິດຈະກໍສຮັບນ້ອງໃໝ່ຂື້ນ ໂດຍພາຍໃຕ້ການເປັນປະທານຂອງ ທ່ານ ອຈ ປທ ສົມລັດ ສົມສະຫວັດ ຮອງຜູ້ອໍານວຍການວິທະຍາໄລຄູຫຼວງນໍ້າ. ໃນພິທີມີ ຄະນະນໍາພະແນກ, ຄະນະນໍາພາກວິຊາ, ຄູອາຈານ ແລະ ນັກສຶກສາພາຍໃນສາຍເຂົ້າຮ່ວມຢ່າງພ້ອມພຽງ.ຈຸດປະສົງໃນພິທີເພື່ອເປັນການສ້າງຄວາມສາມັກຄີລະຫວ່າງຄູ-ອາຈານ, ນັກສຶກສາເກົ່າ-ໃໝ່. ໃນຕອນຕົ້ນຂອງພິທີດັ່ງກ່າວໄດ້ຮັບຟັງການໂອ້ລົມຂອງ ທ່ານ ອຈ ປທ ສົມລັດ ສົມສະຫວັດ ງຜູ້ອໍານວຍການວິທະຍາໄລຄູຫຼວງນໍ້າທາ ເຊິ່ງທ່ານກໍໄດ້ເນັ້ນໜັກເຖິງການຮຽນ-ການສອນຂອງນັກສຶກສາຄູພາຍໃນສາຍ, ການເຂົ້າອອກໂຮງຮຽນຕາມກໍານົດເວລາ, ການກະກຽມລົງຝຶກຫັດຂອງນັກສຶກສາຄູປີສຸດທ້າຍຈົ່ງພັດທະນາຄວາມຮູ້, ຄວາມສາມາດ ແລະ ເປັນແບບຢ່າງໃຫ້ນັກສຶກສາລຸ້ນຕໍ່ໄປ. ພິທີໄດ້ດໍາເນີນໄປເປັນເວລາ 3 ຊົ່ວໂມງ ແລະ ໄດ້ສໍາເລັດລົງໃນເວລາ 5:00 ນາທີ ດ້ວຍບັນຍາກາດເບີກບານມ່ວນຊື່ນ ແລະ ເປັນຂະບວນຟົດຟື້ນ.ຜູ້ສື່ຂ່າວວິທະຍາໄລຄູ: ສຸລັນຍາ ລັດຕະນະວົງ

#ວິທະຍາໄລຄູຫຼວງນໍ້າທາສໍາເລັດການລົງຝຶກອົບຮົມໃຫ້ແກ່ຜູ້ເຮັດວຽກສຶກສານິເທດພາຍໃນ(IPS) ຄັ້ງທີ 3 ຢູ່ 3 ແຂວງ, 8 ເມືອງ ຄັ້ງວັນທີ 15-19 ມັງກອນ 2024 ກອງປະຊຸມຝຶກອົບຮົມສ້າງຄວາມເຂັ້ມແຂງໃຫ້ແກ່ຜູ້ເຮັດວຽກສຶກສານິເທດພາຍໃນ (IPS) ຄັ້ງທີ 3 ໄດ້ດໍາເນີນຊ່ວງໄລຍະວັນທີ 15-19 ມັງກອນ 2024 ໃນ 3 ແຂວງ, 8 ເມືອງ, ໂດຍປະຕິບັດຕາມແຜນປະຕິທິນຂອງແຜນງານບີຄວາ ໄລຍະ 2, ເນື້ອໃນທີ່ໄດ້ນໍາມາຝຶກອົບຮົມປະກອບມີ 10 ພາກຄື:ພາກທີ 1: ການສະທ້ອນຄືນກ່ຽວກັບບົດບາດຂອງຜູ້ເຮັດວຽກສຶກສານິເທດພາຍໃນ (IPS)ພາກທີ 2: ຄົ້ນຄວ້າກ່ຽວກັບການຮຽນຮູ້ທີ່ຄູຕ້ອງການພາກທີ 3: ຫຼັກສູດຊັ້ນປະຖົມສຶກສາພາກທີ 4: ການປະເມີນພາກທີ 5: ຊຸດອຸປະກອນຊ່ວຍເຫຼືອຄູ ໂມດູນ 5 (ການປະເມີນ)ພາກທີ 6: ການວາງແຜນເພື່ອສາທິດການສອນພາກທີ 8: ມາດຕະຖານການສອນຊັ້ນປະຖົມສຶກສາພາກທີ 9: ທັກສະດ້ານ ICTພາກທີ 10: ການວາງແຜນໃນການຈັດຕັ້ງປະຕິບັດການພັດທະນາວິຊາຊີບແບບຕໍ່ເນື່ອງການຈັດຕັ້ງປະຕິບັດ ໃນຄັ້ງວັນທີ 15-19 ມັງກອນ 2024 ເຫັນວ່າ ສໍາເລັດໃນ 3 ແຂວງ, 8 ເມືອງ ເຊິ່ງປະກອບມີ: ແຂວງຫຼວງນໍ້າທາ (ເມືອງຫຼວງນໍ້າທາ, ເມືອງສິງ), ແຂວງຜົ້ງສາລີ (ເມືອງຜົ້ງສາລີ, ເມືອງຍອດອູ, ເມືອງໃໝ່), ແຂວງບໍ່ແກ້ວ (ເມືອງຫ້ວຍຊາຍ, ເມືອງຕົ້ນເຜິ້ງ, ເມືອງຜາອຸດົມ).ກອງປະຊຸມຝຶກອົບຮົມສ້າງຄວາມເຂັ້ມແຂງໃຫ້ຜູ້ເຮັດວຽກສຶກສານິເທດພາຍໃນຂອງແຜນງານ ບີຄວາ ໄລຍະ 2 ຍັງຈະໄດ້ສືບຕໍ່ໃນ 2 ແຂວງ 3 ເມືອງເປົ້າໝາຍຄື: ແຂວງຜົ້ງສາລີ (ເມືອງບຸນໃຕ້, ເມືອງຂວາ), ແຂວງບໍ່ແກ້ວ (ເມືອງປາກທາ), ເຊິ່ງຈະເລີ່ມດໍາເນີນໃນວັນທີ 22-26 ມັງກອນ 2024.ນັກຂ່າວວິທະຍາໄລຄູຫຼວງນໍ້າທາ ສົມແພງ ດວງປະເສີດ